搞明堂  > 所屬分類  >  各類雜文   
[2] 評論[0] 編輯

與一樓一鳳阿兒對話

方  我見你好好傾,係電話度。
阿兒你介唔介意我吸煙啊?
方  不如我坐呢度,你坐呢度舒服點
阿兒喎,唔駛喇,你坐底喇。
方  我見呢張凳好似好舒服。
阿兒唔怕,你舒服D搭喇,你一路問我,我一路會答你喇。
方  好,好。
阿兒自然D就搭喇。
方  大家傾下偈。
阿兒冇所謂。
方  其實你做呢行幾耐?
阿兒好耐咯了,其實我係桑拿做咗好耐野。
方  係桑拿,之前係桑拿係咪形式啊?就譬如撻骨啊。
阿兒都係類似呢D形式,初初做就乜都唔做咯,淨係齋撻骨囉。
方  果陣時細D。
阿兒咁,齋搭,做做下就覺得根本都想建立關係搵到錢咯。咁一做就做撻骨,同埋貪佢自由,因為撻骨真係好自由咯,幾時返工都搭,係咪?而且我地讀書係少,讀得書少的時間,做乜行業呢,係唔係先?咁初初諗住做侍應咯。
方  呃,即係邊度做侍應?
阿兒好多初初都係諗住做侍應先咯,係最早期就係銀泉、砵蘭街果間。
方  旺角?
阿兒旺角果間,咁初初都係由知客去做基技師的,因為第一,你未接觸過果D人,你唔知咪環境咯嘛,你有小小驚咯嘛。咁好啊,好多都係由果個途徑,或者去做水吧,做知客、做侍應,咁先至轉做技師咯。咁正常,一間間場喇,有D就好專業的師傅,起碼教你一個月,有D就好皮手咯,教你一個禮拜遮。你就慢慢揣摩喇。一路做一路揣摩托車囉。咁後尾做做下,淨下撻骨唔到咪錢,跟住咪做D黃色咯野囉。
方  果陣時做侍應搵到幾多錢?
阿兒好少遮,五千幾遮。
方  講緊幾年前啊?
阿兒好耐喇,十幾年前囉。
方  咁都唔係話好差遮喎,五千兩蚊。
阿兒咪啊,依家都有咯,依家都有咯五千幾。
方  果陣時你幾多歲?
阿兒哇,我依家都好大囉。你估我幾多歲?
方  估唔到,40歲?
阿兒我48咯喇,係喇!果陣岩岩入去做諗住做侍應咯,後尾做咗半年見到我果陣咯女經理,好肥咯嘛,見到佢,整日同佢講,我想轉做,我想轉做,見到D女仔都搵到好多錢咯,果陣想做,跟住鬥爭咗半年,終於開口同佢講,咁咪學師囉,學咗一個禮拜就出師了,果陣時需用入遮嘛,需入其實冇代支,係拆莊。
方  代支係咪意思?
阿兒代支就係畀貼士,以前唔興畀貼士,係興拆莊遮。譬如70鐘、100鐘、130鐘。咁70鐘幾多錢,130拆得幾多錢,呃,100鐘又拆得幾多錢,總之最低就70鐘,跟住就100,130,咁樣囉,咁你做多小小拆鐘,譬如70鐘,就每粒鐘折35蚊咁計,咁一個月計多過100鐘,可能就畀多五蚊一粒鐘錢你,你再過咗130,起碼畀多十蚊一粒鐘你,咁樣囉,就你搏果個鐘咯,變得更加要博殺D囉,勤力D囉。
方  冇冇D咪經濟壓力要你由技師轉做黃色,或剩你自己貪果個?
阿兒其實都冇咯係,都係貪D錢遮,後尾都係打飛機,打飛機,咁做做下呢幾年呢,遮難搵食喇,咁先再同客有性行為遮嘛,有性行為都做咗幾年遮嘛。
方  做咗幾年啊?
阿兒其實性行為幾年遮,因為我地果陣時做飛機時都好搵錢,不過我就好晏先返工咯,因為我鍾意賭博,其實輸就輸咗好多錢咯,咁跟住最近點解又要性行為呢?給男人食呢?好似你話需競爭大,起碼正經多咗我先喇,好喇,有D女仔又見到話做得好,又出來,因為其實我地唔 想做太耐,因為真係好傷咯,將來如果冇得做,第一以前的老細好錫我地咯,經理都好錫我地,但係依家老細又試收黑錢,經理又收黑錢。
方  收黑錢咯意思係?
阿兒收黑錢咯意思係話D女仔派錢畀經理,咁佢就畀野你做。
方  哇,咁樣啊
阿兒係啊,同埋有岐視,年紀岐視,近呢幾年有呢種情況,同埋可能係多咗國內的女仔落來,來香港做桑拿。因為佢地落來都係想搵錢,咁佢地變咗比較聽話D,你知香港人會比較串D,你都知咯喇。
方  係喇,港女、港女嘛。
阿兒咁你又唔好怪佢地,因為佢地係上面真係挨得好辛苦,咁所以落咗來香港就好博殺咯。咁又識得香港環境咪樣,覺得背鄉離井,如果唔聽人說話,人地可能就唔用你,初初佢未熟手,依家咁耐咁耐佢熟手咗,D女仔都未咁聽話的喇,即知道香港係乜野環境。
方  叻叻喇。
阿兒係,叻叻喇,真係叻咗喇,初初D老細因為佢地好聽話,就用佢地多D,就變咗歧視我地香港人喇。咁變咗,大陸又便喇,所以D人又返大陸開廠喇,撻骨喇,咁變咗就桑拿就又開始。
方  D客變得少番,上番上去。
阿兒淡喇,上番上面喇,咁變咗國內女仔來喇,所以D老細就偏咗錫大陸咯多D,香港女仔就冇咁錫喇,因為佢驚佢地走嘛,走就冇咁多新面孔嘛,咁變咗桑拿做唔做,所以我地焗自己做一樓一,其實點樣講呢?做桑拿有桑拿好,做好一樓一有一樓一好,其實呢束束都一樣咯,員警查牌呢,桑拿會查咯喇,你上樓就會查,桑拿就要放蛇咯喇,呢D都會放蛇,冇分別喇,但你做桑拿呢就撇除咗一樣野,冇人打劫。係咪,因為係員工,D賦唔會隨便來。好喇,跟隨住呢就係冇壓力,就係唔駛自己交租喇,始終要自己交租,一樓一要有個人開支咯嘛,咁做上樓骨係另一種冇壓力就係,我係間房度,剝晒衫褲係嘛,就算差佬來到,如果冇搜查令,都唔可以入來,咁法律我都識少少咯。
方  咁你有冇試過比佢撐,我係唔畀你入來,有冇咁試過?
阿兒呃,又冇,佢又唔會夾硬,因為佢點樣呢?佢會襟你鐘,我地有寫時間的嘛,咁見你冇野做,即你有時間,冇客喇,佢就會襟鐘,有陣時會坐落下,好似你咁問,做咗幾耐喇?幾錢租啊?企係間房,慎防我地係集體,幾個女仔係房。
方  哦。
阿兒又慎防人地收我地錢,我地拆帳畀佢。
方  即有人經營,有人人雇用你地,咁樣。
阿兒係喇,唔好意思,我柵埋個鐵閘,費事畀人睇。
方  你隨便做野,搞定D野先。
阿兒費事畀人走來襟鐘。
方  阻住你做生意,唔好意思。
阿兒唔阻。
方  你吸煙喇!
阿兒你想問我D乜野,你問,我答你。
方  咁譬如話,係你咯經驗,警員來查牌,你自己係呢度兩年,有冇一D深刻的經驗?或係覺得真係火,阻你做生意,邊方面?
阿兒咁佢又唔會,唔都好客氣,因為,首先我係香港人,就同埋佢都係問卷調查。
方  問卷啊,問卷咯意思,就係你係度做咗幾耐啊?有冇有同你收片。
阿兒啊?譬如你做一個客畀D人,咁樣,佢最主要問,你保證我地最主要係針對某D行業,同埋我真係按摩,因按摩係驚個女仔保證我地有按摩托車牌咯嘛。同埋針對整班人,譬如胸起又飛,幾個女仔係間房咯,咁變咗集體賣淫囉,佢上來盤查呢D野,如果上面冇乜人投訴人,而且上網呢,整日不見上呢,冇乜野的,你轉上,佢就懷疑你,你集體賣淫果基本就D ,人地操控你,拆賬、起角、就有機會冇證咯嘛。佢主要係呢樣野,咁我地三個呢度就冇咯,就好少放假都有好少搵人來做替工,因為怕得失D客。因為替工好喇西咯嘛,做野岩唔岩啊?因為我地始終香港人,學好晒撻骨,最主要係乜都做,但我同佢搭咗先,同佢按咗先,等佢舒服完個背脊先,但北方女仔就唔係,全部一來到就睡低了嘛,就唔同佢地按嘛,我地做咯係回頭客,唔駛成日換地方咯,如果係成日換地方,D客仲搵到你添。咁所以我地呢度三個就變咗做固定咯客,同埋我地就唔會比你巴辣喇,掛住傾偈喇,摘到成冷巷的人排隊啊,我地各人唔會做呢D囉,如果成日咁D人咪投訴囉,一投訴,差人一定做野咯,係埋?你滋擾隔離咗右,所以我地三個人做野都低調D,差人上來呢,有一輪係好緊的,好緊係太多上樓的女仔冇證,跟住佢就上樓係咁易查下,有一輪,逢現都黃金時間十月,啊,大陸果D宏觀調控,國內D貿易就會嚴格少少遮嘛,周圍查下咁嘛,大致上都係咁樣。
方  黃金時間,大概一個月幾次啊?
阿兒哇,呢樣野就好難答你咯喇,有時幾個月都唔來一次喇。
方  多起上來呢?
阿兒冇咯,大吉利是的真係好少。
方  真係好少。
阿兒因為差人上門都係睇下你地有冇轉人咯,都主要成日轉人咯,平常來多咗,有一輪,我地呢度三間咯嘛,咁尾果間房的靚妹成日返工咯,佢就問咗幾個禮拜,成日替咯,大家都識的咯,變得果輪就上來巡問得密D,問第三個女仔,驚佢係租畀人地,而收人地咯租,拆賬租給人地賺錢,就驚咁樣,有一輪就係咁樣遮。
方  但係佢上來第三間房都冇過來第一間度。
阿兒有,佢一定有咯,佢循例似咁問咯,因為第一,佢地又問卷調查啊,第二就主要針對第三間,即點解成日轉人啊?問你交租係交畀邊個啊?交幾多錢租,佢見到佢成日轉人,驚佢冇證,你明唔明啊?又驚佢拆賬形式租畀人地,佢最怕呢D野,如果你一家自己做呢,都好少,,又冇客投訴,佢都好少。
方  問卷調查係嘛野意思,係成份問卷畀你咁樣?
阿兒唔係,都係傾傾偈遮,佢問你係呢度做咗幾耐啊?你點交租畀個業主的啊?同埋你一個月幾多錢租,問好少野遮,有陣是有客做緊,佢都唔會騷擾你咯,見到個牌寫住咯時間都唔會騷擾你咯,其實佢都好客氣。
方  如果見到個客係度,會唔會睇睇客的身份證?
阿兒冇咯,唔會。好少,因為桑拿有機會睇身份證,一般查牌,如果幫差佬唔係串,佢都唔會查身份證,係唯獨是會查身份證,就譬如附近發生罪案,咁驚有客潛入桑拿浴室,佢就會查身份證,若果一般佢都唔會,只不過叫D女排好個隊,大家識做D,其實都趕住收工咯嘛,咁囉晒D履歷啊,果D叫做按摩登記,住址果D剩,就拎畀阿蛇,唔駛問就自己嗌。其實大家都係人遮,佢打份工,大家工作性質唔同,工作崗位唔同遮嘛,你尊重佢時,佢都尊重你,大家趕位收工嘛,唔駛佢問你,你拿拿尊重佢咪走囉。即基本上佢都係咁CHOCK,即其實好皮毛遮,除非佢真係有心搞你,咁你就冇好過喇,咁我的意思,依家D上樓骨難做,咁冇辦法,難做,你開,人地又開,呢D各有各做遮,其實生意樣樣都難做,但係活最主要就唔好,其實話客人唔畀錢你果D,睇你好唔好彩遮,大利是畀少都有,畀少的詐詐地地,明明係果個價錢,做完就唔係果個價錢咁樣,都有,但係就係少,真係有,因為「紫滕」都有話嗄人嗄食的,上來又話係差人,跟住趙完又兼夾恐嚇你,不過果個拉咗,啊,「紫藤」都會講的,因為紫藤有一份野畀我地睇,有陣時話畀我地聽,邊度查得緊要D啊?或者D差人點樣恐嚇你啊,叫你地講D咪野,其實你地唔駛驚咯。就算我地桑拿,佢都係咁講,佢都係叫我地問你D野,恐嚇或者打你,你唔需要答咯,等我律師來,因為桑拿有一個專門打黃色事來的律師嘛。但好似我地呢D就好老實,就真係冇咯喇,冇人幫手咯喇,不過話需,大吉利是講句,就算大吉利是拉著我,入去,你咪拉我入去做囉,冇辦法咯喇,岩唔岩啊?我覺得冇所謂,我屋企人又知我做呢D,我又冇咁多親戚,我又唔係咪大人物,你估我陳冠希咪,岩唔岩啊?係唔係先?冇必要,佢都唔會搞咁多野咪,就最好唔好畀人投訴,你又唔好,搞到烏煙瘴氣,集體賣淫,你做雞頭拆賬又唔搭啊。係唔係?如果係單對單咁岩撻骨,佢都只眼開、只眼閉咯,咁所以意思咪咁樣囉。
方  咁譬如D客人方面有時,真係畀少錢,咁相係叫住忍住啖氣,冇辦法?
阿兒冇辦法。
方  有冇試過咁咯經驗?
阿兒有啊。
方  可唔可以講來聽下?
阿兒有一D客,其實我都唔想做佢,因為D客打開門揀我地,襟鐘揀,有時我地都會揀人,但係,是旦啊。有時做野未必睇外表咯,因為有D裝修佬,收工可能好拉塌,唔可以睇呢樣野?
方  當然。
阿兒咁好喇,譬如有一次有個有試過,佢襟鐘之後入咗來,咁入咗來,我同佢講,撻骨、出火幾多錢,咁佢話好囉,咁做做下我知我地想搵多D喇,就同佢講,你伏特 BODY喇,做BODY又幾多錢,我又係衰咯個次,戴安子,又冇講多兩聲,佢又唔應又唔盛,我以為話係喇,其實佢入來做,我就知佢衰衰地喇,有些少,就算差佬我地來做,都有少少感應。
方  係啊。
阿兒一做我地就知佢係差佬。
方  咁犀利?
阿兒十次八次我都估到咯,D差佬自己唔應咯。
方  哇,係啊。
阿兒有時畀我督爆咗,係啊。
方  你點知咯?
阿兒因為我地敏感D咯,特別唔同咯,以前差佬揸槍咯,你摸開有枕,其實你摸開都家務枕,但係佢個形態。
方  真係?
阿兒佢個神情。
方  我真係唔識睇?
阿兒你唔識的,但我地FEEL到咯,佢始終做開差佬,佢有個威勢,講野方面不同D咯,古惑仔又唔同。
方  咁厲害。
阿兒唔識答你,但同古惑仔又唔同,我估到咯,遮我地比較敏感D,好多差佬過來幫襯我,我估到咯,佢地冇講,我知咯。我做落襟佢背肌,同佢傾幾句偈啊,我就知,一入來,我其實望一望大概都知咯,但係佢地做做下,但佢差佬都吸啜煙,差佬都係人。
方  咁又係。
阿兒咁講番個客先,因而入番來,做完個PART野,其實我地要收番350蚊咯,咁跟住佢畀錢,佢已經側側膊佢係畀唔到350蚊咯,我話
方  好黑喎。
阿兒呢行真係好偏咯,尤其我就比較信下D風水,玄學個D野,所以有時第一個客人譬如佢講價的情況,佢話收少D搭不搭,我望下佢感覺又唔係,太受力,真正啊,就是旦啊,我眯埋眼佢做少D時間遮嘛,但就真係少囉,因為一百又做,二百又做,做死自己咯,所以我地咪唔會咁濫囉。SET死果個價就果個價錢,我地係做回頭客咯,因為深水埗,其實粗口D講都好HIGH咯,嫌貴,其實講真,客係蝦地區咯,拿、佢去尖沙咀,又會覺得聲望大D。
方  感覺落就會。
阿兒係咪會先,就好似去吃飯。
方  去唱K都係,會感覺消費。
阿兒人地會諗,尖沙咀貴租D,講真尖沙咀某地方的租都唔會貴好多,你明唔明啊,其實都要睇個女仔的質素囉,咁佢地覺得尖沙咀高級D,好多靚野食,好高好高質素,咁又未必,但係譬如我地收咯價錢都唔係低尖沙咀好多。
方  你地的標準價錢是幾多錢?
阿兒咁其實以前我以前收番二百八、三百八、四百八咯。
方  點樣分咯。
阿兒我地二百八撻骨,出火。
方  OK。
阿兒三百八就BODY,出埋火,咁四百八就全套。
方  係。
阿兒遮搏野。
方  就性交啊。
阿兒搞野喇,咁依家,經濟唔好,我地減咗價喇,減到二百五、三百五、四百五,我地就咁樣囉。咁有D女仔搏野就三百,二百五咁樣,就出面果D ,唔撻骨喇,我地通常都唔要佢按咯。
方  我做過有D阿姐,佢咯標準就係吹喇,搞野,同埋沖涼,你會唔會呢D咯,包唔包啊?
阿兒吹?間唔鐘會吹咯,沖涼就好少,除非個客同我好熟,或者畀多少少錢我,一般十個,我地九個都唔會,因為我地的性質同佢唔同,佢地只係搞野,冇按摩,我地最主要行咗按摩先,你明唔明啊?我按得摩來,就唔做得咁CHEAP,你明唔明個意思,因為我地做咯客路係回頭客多D,反而係就冇技能,就睡低,坐果PART,回頭客會少的,除非你好高質咯,講真,人地成畀錢,為玩你,係咪先啊?佢地成日來按摩,就係欣賞你咯技術,欣賞我地的手勢,同埋幫佢推下D筋。
方  講明鬆馳下。
阿兒就係呢樣野,所以我地做回頭客多D。
方  所以有冇限時間咯?
阿兒其實有。
方  你自己心目中咯時間?
阿兒我心目中全套係一個鐘三個字。
方  喎。
阿兒係好頂籠咯。
方  如果要撻埋,埋要好快手?
阿兒拿,其實一般就算你依家去桑拿做,所謂撻埋全套,我地係飛四肢,反轉身來飛四肢,飛球咯。
方  唔明。
阿兒即前面果節全部唔做,手腳頭唔同,基本上係就夠時間咯。係後面同你捏下大脾的位,跟住就掃喇,跟住反轉。
方  飛四肢?
阿兒前面同佢吹下就搏野。
方  喎。
阿兒咁BODY我地就好少吹咯,除非個客又問,奄奄尖尖,暗暗沉沉,就詐低同佢吹兩野,費事佢咁麻煩,一般我地係側側膊唔吹咯。
方  有冇D野,你係特別唔會做唧。
阿兒有,有後庭花唔做。
方  唔戴袋呢?
阿兒唔做,虐待唔會,即SM果D唔做,一般好普通的野遮,總之特別的K型怪我地唔做
方  有冇試過D客要求?
阿兒緊係有啊,一定會有,佢地的要求係我地虐待佢。
方  啊。
阿兒唔係虐待我,呃,係D有冇朋友唧啊?咁講初初我做上樓客唔知咁多野嘛,同桑拿唔同咯,桑拿始終避忌,始終人流多,你知男人玩起來,都要FACE,你唔好畀人知,畀人見,咁所以桑拿就好少呢D咯,但係上樓就有,有D女仔上網就寫明我係玩SM咯嘛,有刑具咯,咪傢稱都有咯,佢會打電話來問唧,有冇朋友咁講,其實我同D客傾電話我都會好串唧,係咪?係喇,我好串唧有時個客打來,啊BOBO你果度有冇滕條咯,果陣時我未買滕條;果陣時我條鐵通的嘛。我就答
方  點解呢?
阿兒同埋開門恐懼症,呃,因為我聽以前,我做了差不多兩年,佢話以前D客就冇依家咁奄尖的,因為以前冇得畀你揀,太少喇,你明唔明,依家愈開愈多,你又揀得犀利,D客咪周圍擠周圍揀囉,咁同埋有D國內D女仔太過縱客。
方  喎,做爛個市喇!
阿兒係喇,形式好似咁樣,D客打開門摣住支酒咁樣唧都有,佢地咁樣唧,遮冇辦法,可能大家做野的手法唔同,香港人真係串點,冇謂做過份,即好似打開門,好老實,佢問完價錢後,佢係咁樣望多三秒我都扮忙唧,我唔會好似D
方  縱下D客變得仲衰格。
阿兒係喇,D客愈做愈衰格,真係唧,就算D桑拿都係佢地縱壞咗,所以我對佢地有些少抗拒感唧,同埋佢地同我地的思維真係唔同,真係傾唔偈,除非佢地出到香港有十兩年喇,佢接受我地香港人的思維,咁就傾到偈。一般都傾唔偈。
方  不過就成長的文化兩個地方完全唔同。
阿兒都可能會係喇,同埋佢地會鍾意個錢多D喇,但雖然佢係香港緊張個錢多D,但我係好佩服佢地一點野,佢地家鄉情係好重,呢個係事實。係好顧家,香港人就真係好自私喇,呢個係事實,真係我佩服,真係有呢樣野,所以佢地好多時,真係一年到晚搏命做做做,一過年就拎錢返家,佢地真係好諗家鄉,佢地因為係家鄉好窮,需要好負責任,需要佢的開支,所以佢變咗對家鄉諗鄉情真係好重。所以,我地香港人真係要學支持佢地,只顧享樂,所以佢地落到落來做都唔會噗野佢地咯,我地有我地一套做咯,有D客鍾意北方人,有D客都好勤力鍾意香港人,因為我上門好勤力去洗陀地,有D客寫住陀地都會來幫襯我地,這所以大家D客路有少少唔同,係嘛?所以我覺得冇咪野,就好似我地呢倆個,呢個來咗香港好耐,我識得好耐都,形式香港人的思想。呢個係上海人,都冇乜話拗叫,我地做野都唔會爭客咯,總之客襟我地鐘,我就開門。我周不時開門都有喇,有時D客邪邪地,連續幾個後生又唔岩,又唔岩,佢自己啊,年紀,所以邪邪地我就唔開門。
方  遮佢要D乜野呢?
阿兒真係唔知咯,我惱過幾個靚仔客,其實有時我忍住,因為係做服務行業,但我真係唔惱佢唔撻喇,我認得D客咯,我好認得D客,D客成日話我好記性,佢自己都唔記得來過,有三個靚仔點解我會惱佢呢?佢係咁樣的,一個禮拜來襟你一個鐘,十日來襟你一個鐘,十五日來襟你一次鐘,間間都襟均喇,價錢便函又唔岩。貴又唔岩,後世又唔岩,中女又唔岩,你明唔明我意思,所以果三個我點樣惱佢呢?佢襟咗我兩次鐘,第三次襟我鐘,跟住我同佢講
方  係。
阿兒係就係,唔係就唔係。係囉,問心講句,你唔幫襯我又唔駛黑咗,你唔幫襯,又唔驚冇地方聯絡,但你咁係不尊重人啊,點樣講呢?好唔禮貌,有陣時打開門,問呢問路,你D波大唔大咯,咪事,點答遮。你咪入來畀錢囉,係唔係,大唔大,我話晒畀你聽,就唔岩幫襯,好冇聊,你話講價唔出奇,所以形成我地好惡始難登,所以有D客我地答佢,都會畀信用佢跟的,有時你去幫襯人地,又唔係做人世。譬如你諗住係搏野咯,咁你見到佢唔係咁岩睇咯,又唔想搏咯,你咪答佢算喇。你又舒服,人地做生意,係唔係?我發覺係唔係近幾年D人上得大陸多,我覺得有少少變咗貿,即特別衰格囉。
方  即係上面玩過,玩得多咗。
阿兒平,畀D女縱壞咗,佢返咗香港,都當係大陸咁樣。
方  直接有冇影響你依家做野。
阿兒都有少少。
方  即麻煩咗D。
阿兒佢地會成日講返大陸便囉,咁近呢兩、三個月唔敢講囉,因為人民幣升咗嘛,依家又換番轉佢又講囉,返大陸又唔係便啊,其實大陸不嬲都唔係便,睇你都做D咪野,係咪先?如果你出深圳,由頭到尾都冇便函過,係咪?係要出好遠的地方東莞,跟住佢地話依家返大陸都唔便喇,因為人民幣升咗。開始同埋依家上面發展得咁、咁蓬勃,D野一定起價喇,講真,你根本唔駛返上去,舟車勞頓,便得幾多遮?你搭完骨拿拿聲趕住過關,係嘛,所以D客人會留番D係度消費,但始終佢都會覺得自從九七之後,經濟衰退咗咁耐,D人習慣咗慳錢,就錫錢,有陣子就覺得多20蚊都係沒得計,會有咁個心態咯,拉住自己都係,我都覺得自己姑寒咗,因為覺得呢十年搵錢真係好辛苦,咁D人時間長咗,以前係多勞多得,依家佢可能都係冇乜分別,係好似以前搵咁多,但係係辛苦咗,同埋驚喇,驚第日不知點樣,所以D人變得冇以前咁闊。
方  其實你覺得每次開門都好危險呢?有冇咁覺得呢?
阿兒咁,你講打劫,大吉利是講句,呃,拿,好老實咁答你,其實我預咗咯,咁我就唔會帶咁多錢返屋企,返公司,返呢度咯。我畀囉夠埋千量蚊,由得佢囉。冇辦法咯,你個額頭又冇鑿住差人,佢係打劫咯,你明唔明我講乜野?好喇!總之你唔好傷害我就嗒喇,自己諗埋,入到來咁計話打劫,咁樣我畀佢,望都唔望,希望佢快D入到來?走,咁另一個角度,另一D人就會講你其實縱容佢拿,因為我點解,因為我做生意,你明唔明啊,如果過去報警,我煩到自己,大吉利是佢都係,幫我錢搵錢遮,唔通成日來光顧我咪?岩唔岩啊?總之唔好傷害,唔好影響我做生意,係江湖救急拿去,真係咯。
方  都係一個聰明的做法。
阿兒即冇得避的。
方  糾纏都係自己蝕底。
阿兒糾纏不得己,佢冇帶野來,你自己都有利器,佢整傷,開唔到工,岩唔岩,講真,係當時提到佢就好力遮,一個女人,提唔到又點啊,又開唔到工咯,你又唔係失敗添,你冇得避免喇,唯心史觀有江湖救急咪囉去囉。唔好彩。
方  即心理已經好D、、、
阿兒舒服D,好像有一個好衰格,做完先,先打劫,口趙完兼夾,你都冇辦法,咁個女仔會惱D囉,可能係淨係打劫都冇咁惱,因為 你始終佢都係靠肉體咯,佢覺得你真係太下品囉,趙完再拎錢,係唔係太下品先,果D個女仔埋覺得好唔舒服囉,你囉錢打劫佢就預咗唔好彩,其實你地都知道好多女仔唔合法做野嘛。英國,澳洲果D,佢話地果D女仔預咗擔心過呢D,隨時襟鐘唔知係客定打劫,都驚咯,24小時冇得睡咯,仲驚D,始終唔識英文嘛,在外國仲沒親人傾訴下,我在大吉利是仲有個親人可以傾嚇偈,唉呀,今日唔好彩,你覺得唔好,所以呢D野,我地睇新聞都睇得到咯,冇得預咯。呃,大吉利是未撞到,咁由得佢行,你快點囉大行先,大佬你唔好阻住,因為冇辦法咯,唯有唔好擺份係度,你埋果日做生意咯錢,做的多咪唔好彩囉,你做少就由得佢。
方  冇一個技巧,開門有得睇有得篩,有沒辦法篩著客先?
阿兒冇啊。
方  我之前同一個阿姐傾,佢就有技術先將客篩篩,因為佢在就有防盜眼,咁佢就有、、、、但聽完你講就覺得冇用。
阿兒點樣篩?你又講來聽下。
方  遮佢就話,咁又唔係篩打打劫的,篩麻煩客,或者太過爛身爛世啊,一就係醉眼昏花HIGH咗野果D,就索性唔開啊!或者兩個男人啊。
阿兒唉,兩個男人我一定唔會開,因為兩個男人一定有可能打劫,第二就係差人,第三未必岩。
方  喎。
阿兒兩個男有我地唔會做,佢係咪睇?問得多,我得會開啊!咁係話我兩個蒙喳喳嘛,咁我唯有焗住望咗佢個樣先,有D客就樣衰衰,講野冇理經貴,我都扮冇野。
方  點解你唔裝防盜啊?再裝多一個,你已經唔駛打開呢一個,你有冇諗過?
阿兒其實都有諗過。
方  我作為第三者入來,都覺得呢度幾危險,佢一攏就入得嘛,咁你一個女仔,咁裝多一個防盜眼,我就覺得,因為我去過好多間佢地都有裝,至少入多一浸,超碼望多一望先
阿兒其實都係應該岩咯,因為點解呢,我呢個就望唔到我個熟客。
方  係囉。
阿兒我裝多個防盜眼都有好處咯,就是、、、
方  同埋你唔駛成日夾住個芒。
阿兒一來係,最主要個客襟隔離果兩個鐘,有D客運桔而襟鐘,我裝下就唔開門,我講岩咗,我都應該裝番個。
方  應該考慮。
阿兒但係賊就冇得睇喇,遮只不過你裝佢,呃,其實有好多,果D樣係比較晏尋D咯,咁冇理由,你睇佢比較晏尋就唔開門,唔係呢樣野,只不過你話你有權揀客,你望到佢直頭唔開門,廢事應佢,都搭,都係岩咯,其實唔係好多錢去裝。
方  係。
阿兒尤其點解隔離咗右兩家人,你明唔明啊,果陣時佢都叫我地裝個大家照應咯鐘,其實我地都有考慮咯。
方  即你襟,佢會過來照應你。
阿兒應該都要整咯,可能大吉利係我地平安冇事係呢度,就冇乜事發生,就唔想,人就係咁得意。
方  係,果D野未殺到來,可能就未能有呢種意識。
阿兒因為點解,其實呢度好多人行咯,因為樓上有人教琴咯,所以人流就旺咯,唔係靜咯,所以我就覺得冇需要囉。如果搭我一間,我就會做多防盜措施多D,起碼柵埋個大閘先。,
方  咁呢度人流咁多,你呢度幾錢租?
阿兒三千幾蚊遮。
方  業主冇刻意加你租,業主知唔知你做緊乜野。
阿兒知,佢知同埋刻唔刻意加我地租,佢都有提過,佢都有話睇你做呢行,睇你死人頭做生意,個業主都冇乜點遮,但係辜寒D遮,其實業主加你租,睇你BUSINESS。
方  但我住後面套房都要2千幾蚊,唐九樓,我地學生,因為我地住宿舍就太細,因為我見度一樓都咁大,咁三千蚊都好抵。
阿兒你冇睇,其實佢暗地裏,暗藏殺機你唔知遮,所以佢唔會收得我地太貴,而且我地係做生意,佢先收咁個錢。
方  兩年前都收三千蚊,三千幾啊!
阿兒三千五、六度,我地成日同佢講睡啊,冇生意同佢講,其實講真業主都想租畀我地呢D女仔,冇咁多事發生啊,成日有租金,如果租畀果D成日唔交租啊,多差佬上來果D呢會好驚,所以租畀我地,平安冇事,大家埋算囉。
方  咁又係。
阿兒多果幾百蚊,成日就好似個貓王咁就冇乜意思喇。係咪?始終佢租畀我地D女仔呢,佢唔理你咁多咯,我地就做野有D分扣咯,所以佢成日見到我地都OK,心諗都唔爭在喇。因為之前呢度都拉過好多婦仔喇,佢地就打開三個房門,吵天巴閉,嘰嘰喳喳係個冷巷度,跟住又起雙飛,跟住搞到D客都起雙飛,差人埋上門做野囉。
方  咁你依家經營呢度包租啊,有冇其他雜費?
阿兒有,呢D奇哩夸喇全部我買咯。
方  咁你最基本,一個月要幾多錢?
阿兒七、八千蚊一個月。
方  皮費?
阿兒七八千蚊一個月,七、八千,七、八千一個月要略,你冇睇,呢D又有啊,呢D水我地自己買咯,我又唔用呢D黃泥水飲咯,呢D水都要錢咯。
方  咁又係。
阿兒總之你集埋避孕套果D野都要成七、八千咯。
方  避孕套都自己買咯。
阿兒都係買咯,邊度有得囉,冇得囉咯,如果你去所謂類似D賽馬會去CHECK D 子宮,佢知你做呢行,都會叫你囉D去駛咯,上次我費事咁煩,我話冇做,跟住佢就唔畀你囉喇,你冇做佢就費事讓你囉。
方  幾多?如果佢畀你咁話。
阿兒幾十個咯,呢D有咯,有時畀D冊子你睇,有時送D爛鬼計數機你咁樣囉。聽見你話,因為我成日去,見係好煩啊。有時可能轉地方做野,以前係桑拿,唉!好煩,大佬,我冇做了,算喇,費事佢地問咁多囉。佢地比較詳細D咯,我又唔想咁煩,因為香港人好怕麻煩咯嘛,費事喇,我自己買避孕套喇。有時話我要用少少,咪囉幾個試下囉,咁樣。
方  你有冇試過維唔到皮,果個月COVER唔到。
阿兒大吉利是講句,咁又未,搵少D遮,講真啊,如果你做得上網,乜野維唔到皮,你不如唔好做,即大吉利是講句,你覺得維唔到皮咪收便D囉。
方  咁咪好彈性囉?
阿兒係咪好彈性先?
方  係喇。
阿兒我唔係便都維唔到皮,但係如果你心目中每個月搵到幾多呢?可能達唔到你咯目標喇,你諗住搵到幾多先維到皮遮,先至夠指標遮,好多女仔可能每個月用緊十幾萬,你咪又學人搵十幾萬?人地乜都做,係唔係,總之你唔好理佢,你覺夠自己生活,夠駛、夠食就算喇。其實我地呢D,其實D客人唧衰呢,你地都反映唔到咯,都幫唔到咯,或者大吉利是,全部女仔冇做,得番幾檔,咁D 客就冇得點揀,因為點解,佢地依家去開,就唔捨得桑拿,因為桑拿真係夠蛇鬼,因為佢覺得冇女要焗桑拿,又唔駛D人招呼我,又隨便D,佢係咪覺上樓骨抵D,但係依家競爭大咗就冇得改變,最少我就係你地反應,最多D差佬,即D女仔唔係咁揚搞到畀人投訴,你咪只眼開,只眼閉,咪算囉,大家都係搵食,好似早輪政府都有話整個紅燈區囉,係旺角,後尾又冇整,後尾仲衰,整個朗豪坊,仲要趕埋砵蘭街D人,依家砵蘭街大同都拆埋先。
方  係囉,依家搞到果度鬼咁高級。
阿兒係高級,同埋人地外國搞到上晒網,跨國式咁做添,遮點講呢?其實每個行業都有規律唧 ,你唔好滋擾到人地民居,砵蘭街又點解會掃呢?我成日行都覺得好過份,哇D女仔,敞著,D波仔好似就扶跌到出來咁,喂,果度有家庭主婦,有唐樓嘛咁人地行過,D麻甩佬又望來望去,D 家庭主婦真係接受唔到咯,我唔係做呢D咯嘛,你咪影響人地囉,其實就唔岩咯,好似我地咁樣就唔會影響。
方  係啊。
阿兒係咪,我冇打開門喎,佢自己行上來,用對腳,上來襟鐘我先開門畀佢,我唔係樓下拉客,岩唔岩啊?所以可以叫D 差佬開話咁吸D女仔,我地都抵受幾樣咯壓力,第一,畀客彈鐘彈得個心情都唔靚,係咪。
方  明白。
阿兒受著壓力喇,第二,又驚打劫,係咪,第三又驚人吃白頭數。第四,係差人又來搞得晏目訓,唔通你真係想逼住我地囉綜援啊?岩唔岩先?我地都係靠自己雙手遮。
方  係啊。
阿兒大佬,我出賣勞力,出賣肉體,唔係個個,調番轉角色來做,你叫鄧小姐。
方  姓方。
阿兒雅閣?調番轉角色來做啊,你都未必做得到,要過得自己先。個個搛到錢你又去做賣白粉你又去做,啊,係咪,呢D野係靠勞力,靠自己,出賣自己勞力肉體。點解要搞到人地冇擔好食呢?所以我就覺得唔係咁咪囉,如果你地可以反映到客人果度,你地就冇得搞囉,一定冇提搞,係差人果邊搞啊,反映少少。
方  有冇試過放蛇?
阿兒大吉利是,暫時冇,我都老實答你,風平浪靜,唔係搞到咪咯,差佬都唔想搞你。
方  佢對你態度好唔好?
阿兒OK唧。
方  好客氣。
阿兒呃,都好客氣,有個女警盤問。
方  從來沒問到你地難受,唔開心啊?
阿兒暫時未有,其實大吉利是講句,如果佢就咁巡查,咁個個都查,佢一定唔會令你難堪,但如果放蛇就會令你難堪。
方  有冇呢D經驗啊?
阿兒大吉利是講句我就冇,其他果D都會試過,但係我就暫時未接觸過,就係場果D,第二間場會講啊,恐嚇你,又會拉你去差館,跟住D師姐又話打你剩,逼你,暴出公司,係咪公司指駛你啊,咁當事人,公司未發生事前會同你講,乜野都唔駛講,你保持緘默,等我律師來,咁公司就會派專門打黃色事業的律師來,咁以前有D公司會幫你打官司,你自己自負益虧,同埋依家好多桑拿基本上唔駛出牌咯,以就要出牌,以我地出牌就要經過差館批核。因為如果你有案底係唔會清你咯,變咗依家唔駛出牌就會好D,但係調番轉,桑拿唔駛出牌,請女仔就容易D,咁D競爭就會大D,最大問題就係太多上樓客,就競爭大咗,D客就窮咗、奄尖咗,但我地就唔駛理佢喇,我覺得我自己OK就算喇,總而之沒第二D人大我,陀地啊或者係差人。就算幫到我地。D客都問我地,我地話冇,你行過個幾邊唔係有人收陀地,係有個D女仔係冇證來咗香港做咯,有一批就係大陸落來做咯,所以都冇咯D,因為差佬一定去果邊巡咯。
方  喎,咁叻咯。
阿兒知道,一上網,一睇FILE就知道邊度係麻煩,就會著重果度係黑點,佢就會搵佢地咯喇,差佬會上來問我地,有冇試過遇到D賊喇。我地就答
方  我自己都知。
阿兒係嘛,,你自己住,你自己返教會做生意都知,呢度好雜咯。但好就好在呢度離學校近,樓上樓下都有人行咯,感覺上好D,,同埋呢度旺中帶靜,D客鬼鬼祟祟上來門口,所以呢度咯客量都OK,遮上來咯都OK囉,兼格我地佬遊客,咁我地不過不失囉,搵到啖飯食囉,亦都D女仔搵唔到飯食,第一,點樣講呢?我成日都好覺得有是時你搵唔食呢,你都要檢討下自己。
方  緊又係。
阿兒你唔可話
方  可能語言已經溝通唔道先喇。
阿兒其實唔係咯,依家好多北方女仔白話好正。
方  即白話好好。
阿兒白話好正的喇,只不過佢地不想再同你講呢D野,總之佢心目中就係錢,但係入咗來就閹著你先,下次來唔來先算,咁樣,除非佢地質素高D,我覺得係咁。
方  你依家大概搵幾多錢一個月啊,大概?
阿兒大概兩萬幾蚊,所以COVER到,不過不失咪算囉。
方  平均每日有幾多客?
阿兒拉勻計,三至四個喇。
方  你自己做野咯時間係?
阿兒我做野時間係好彈性咯,我上網寫十點,就收十二點。咁但係我從來做咁而,都冇返十點,係試過一日,個客約我十點,而通常我十二量鐘先返來,咁但係囉、、、
方  你都唔係度住?
阿兒我有自己屋企,我旺角住。
方  你係旺角住?
阿兒果張床我地以前留底咯,跟住天冷我會收早少少,到十點、十一點我就會走,因為冇乜夜客,但平時我會做到十一、二點咯,為我附近都有D住戶客,有D運輸,我做開就有D夜客略,咁有D人就話,深水埗其實唔可以咁夜咯,好多女仔十一點量就收工,最遲十二點就已經走晒,但係我只不過,我想做夜D,做番自己人一紮自己夜客囉,咁所以我會夜D囉,咁依家天冷,岩岩過完年,呢排就凍呢,我就冇咁夜走,緊好似今日同你傾完偈我就沖涼,返去就睡覺囉。
方  你有冇屋企人咯,有冇結婚,或有冇子女要負?
阿兒冇冇冇
方  喎,你未結婚?
阿兒未結婚。
方  從來未結過?
阿兒從來未結過,咁所以我有時間咪比較容易HANDLE D囉。
方  自己養自己?
阿兒係喇,我自己養我自己,我同男朋友一起囉,不過就點樣講呢?我以前好鍾意賭錢,鍾意去澳門,打麻雀,自從有咗細佬哥我冇乜打麻雀啊,因為我晒時間,同埋我依家年紀大,以前後生嘛,真係後生,同埋以前撻骨行業真係好蓬勃。
方  係咪真係搵多好多錢啊?
阿兒好多喇。
方  你可唔可以講來聽下?
阿兒呃,點樣講呢?十萬、八萬肯定唧。
方  一個月?
阿兒係。
方  十萬、八萬喎?
係喎,因為真係好多客
方  咁咪可以有幾層樓,如果做、、、
阿兒有咯,以前有多女仔有成千萬身家,真係有咯。不過,佢一個金融風暴就變晒,但係你話需已經係好耐以前咯事,近九七之後已經冇。
方  冇晒啊。
阿兒係九七之前,應該係九八年開始去。
方  係全盛時期。
阿兒1985至95年,係最好景的時期,如果唔係個個做舞女。
方  緊你覺得你唧致命傷係乜野,亦都係賭錢?
阿兒賭錢喇,同感情。
方  咁可以借錢畀人地啊。
阿兒係喇,我係重感情多過重錢。
方  即大情大聖唧人?
阿兒係,遮我係重感情多過重錢的人,錢對我來講係有需要,但唔係最重要,失禮講句,人今時今日好似乜都冇,但我都唔覺得有乜野,因為有D女仔好搏命咁搵錢,以前都好搏喇,乜都做,而且唔賭錢,咁佢係拎去投資,投資地產啊,或者股票,但金融風暴之後佢唔係闔梆冇晒,跟住仲要去砵蘭街,咁又如何呢?掙錢真係講命咯,唔到你強求咯,我覺得錢係應該駛係自己手上,我唔識講,可能我做得耐,見人見得多,好細個已經係街市長大,遮早熟D喇,總之我係重感情多過重錢囉,所以D男朋友識得我之後就唔認人了,因為佢成日覺得D女人好現實,成日要講錢,成日都錢字,冇可否定,你要唔好成日話冇錢交租,又驚買得鹽又冇錢,咁又唔搭。
方  咁樣叫窮?
阿兒遮果D唔搭,咁你不過不失,如果兩個人呢,男人錫你,背負D責任,我覺就幾好囉。我都想同男人囉錢,我都冇呢D夢想,遮我比較硬頸D,我係唔受人管轄咯,我係鍾意管人多過畀人管囉,自細到大都係咁,好似你活需,我係唔搏同男人囉錢,但係我係搛男人錢囉,我用自己唧技能去搛男人錢,我就唔會攤大手板囉錢,因為呢好似係咁覺得,你講得咁輕得,你搛男人錢,又係要奉承D男人,呃,一件事。
方  因為買名牌嘛?
阿兒我服務性行業嘛,岩唔岩啊?我緊係要做番我果行咯野喇,你叫我行就行,企就企,返屋企等我,我唔會。即好似客咁樣,你賺人錢,其實係場就會詐下型,因為場就會驚係主人,佢會詐型,經理主任錫D客,明明理橫折曲,但係呢D唔係,呢D時候,夥計又係緊,所以好少。同埋我有權揀你個嘛,你揀我遮,我除咗唔襟遮,有陣時D客話點開門,有時我都揀咯,心情唔靚,我都唔開門。遮有得揀,我都會揀,就覺得真係好彈性咯,最主要,我覺得你做得果個行業呢,就要去專注做果樣野,個人咪會開心D囉,如果你一做果樣野,都唔知為乜咯,咁做來做乜?岩唔岩先,你既然做就要百分百全情投入,開心D去賺呢D錢囉,我同D客都係咁講咯,如果你搏野,你唔好太快啊,唔高興啊。抑鬱又唔好太耐喇,我話我唔鍾意咯,我話我都有高潮啊,我好貪心咯喇,哇係咁貪心啊,其實D客鍾意係咁樣,佢唔鍾意冇感覺,佢雖然覺得遮我畀錢都希望你有感覺,但係佢會覺得好多女仔明買明賣,畀錢你冇感覺咯,所以你話有少少感覺,佢係咪好開心?拿,佢會咁樣囉,我都係咁個人,遮個客,你用口講冇野,其實撻骨呢樣野,一開始趴低撻骨已經係好貼身咯喇,手指呢,你個人投入個工作的情緒,係由個手指帶動接觸傳落去,跟住再埋身肉搏,同埋講呢,其實D客感覺到,你其實真抑假,其實部分唔出,所以好多客都說我比較真D,遮我講野唔分話岩唔岩果D,我嗡果D好多時比較貼切咯野。
方  呃,你係電話已經講,我係。
阿兒其實我都好唔八卦果D,好似陳冠希,D人又話,晒氣喇,陳冠希,人D好多男人影完呢D相都擺上,你唔知遮。
方  只是佢唔好彩遮。
阿兒佢唔好彩係公眾人物,我係對事唔對人咯,遮係咁就係咁樣,分分鐘你講咯野仲衰過佢呢,你好彩遮,佢唔好彩遮。八來做D乜先,我不如八下我幾點鐘收工,幾點鐘返工。點樣SEWICE我D客仲好喇,我盡咗我自己做野咯責任,你唔再返來,我同D客咁講,總之我盡咗我自己覺得係畀得咯價錢,你畀250我,我覺得做260就OK,你自己返唔返來,你自己消費的,岩唔岩啊?咁完全冇付出過,人地畀250,你畀250,人地鬼返來咪,除非你真係劉嘉玲、李嘉欣囉,人地淨係睇你個樣囉,如果唔係,通常D客人會鍾意欣賞撻骨多少少,咁其實好全面咯,你最好搭得下喇,TALK得下喇,好波喇,個樣又OK嘛,總之十項全能,你有九項喇。
方  咁好高啊。
阿兒依家要求都好高,但係我地就唔佢咯喇,總言之我地做番回頭客,或者客介紹個客返來囉。遮,都有講口碑咯,有D客上網都會講咯,去過邊度邊度,都會吹水咯。
方  討論區啊。
阿兒討論區咯,有D客都會吹水咯,有D客都會吸吸先咯或者話D FRIEND介紹遮,你個FRIEND岩遮,你未必岩睇咯,其實我都講,人與人之間都講緣,就算D客,你同佢冇乜緣咯話,一開門都未必岩佢咯,如果你同佢有緣咯話,他入得來幫襯你係都會有機會來得第二次。我覺得永遠都係咁樣,呃,我覺得其實眼緣係另一個問題,係宴宴中有主章佢,可能以前,前世有個淵源,有D人好得意,即人海茫茫萍水相逢,點樣講係果種感覺,但眼緣係好奇特,好似李嘉欣咁,十個男人九個半都話佢靚喇,但如果打開門,唔駛講都會入來喇,咁你話係唔係眼緣喇,係你話係唔係眼緣喇,唔係,咁我始終覺得D女仔啊,靚永遠係著數D,就算唔係做呢行咯,都係著數D咯,因為就算係近寫字樓,D男人都會幫信你做野,你做野會請你食野,女仔永遠靚都好著數,如果男女靚仲著數添,好多便宜午餐,啊,我唔理佢喇,靚係你唧事,平庸有平庸咯好,咁我會自我欣賞我自己囉,總之你唔欣賞我,有人會欣賞我囉,你唔入我門口,梗人人欣賞我,岩唔岩啊?
方  我覺得你好靚啊。
阿兒有D人係鍾意D望落下,一望就覺佢靚,霎眼嬌,哇愈睇愈唔靚啊,有D人鍾意望落好平庸,原來再同佢傾落去,再望多兩望,原來佢果種靚係由裏面散發出來咯。
方  嗯,係啊。
阿兒我就係果種,有D客要接觸過我。
方  爽啊。
阿兒要接觸我先行囉,D客就係咯,其實我打開門,係吸引唔到客咯,我自己知咯,遮我自己知咯,遮我自己知咯,但係我唔理佢喇,總之入咗來,我做咗佢,佢會回頭囉,咁我可以咁講,譬如我十個客咁計喇,呃講十個客來幫襯我,出咗去呢,有七個會返來咯。
方  通常返來幾多次呢?
阿兒拿,呢樣野真係好難講,因為點解呢,依家D客返大陸做野多,咁變咗留係香港的時間少,我成日有一紮客返大陸了,四個月,3、4個月先返,咁係叫我點答你呢?佢來幾多次,遮好飄渺咯,有D客,以前呢我可以答你,D桑拿咯客我可以答你,佢一個月就返,駛幾萬蚊,佢真係駛幾萬蚊,點解呢,以前佢搵到錢,同埋果紮客係做生意咯,商家佬多,佢地來親都幾個咯,,果D吹下水,又蒸下氣,又上去撻骨,其實佢邊係鬼喇,一個月搭幾萬,差唔多一個禮拜搭五晚喇,鬼咪咗,佢又唔係擔泥,係咪?只不過佢係間桑拿有歸屬感,但係依家好啊。尤其是D人搵錢少咗,咁D人又返咗大陸做野喇,就變咗呢,譬如我計我D客呢,就飄忽咯,有陣時三個月來一次,有時兩個月來一次,有陣時一個月來三次,遮我好難答你囉,但係我唔理佢,我平均數日我一個月大概搵得咁多,咁平均唔理熟與唔熟客,就咁樣計數囉。
方  依家做呢度,你自己覺得頭先講得咁多,業主、員警、客喇,或者姐妹競爭喇,你覺得最重要邊方面,你覺得做野畀到壓力,做野壓力最介意或最怕呢樣野。
阿兒開門、閂門。
方  開門、閂門,即壓抑。
阿兒唔係,D客彈鐘,彈到好似自己好似自己冇晒信心。
方  喎。
阿兒我有D姐妹已經唔做喇,返桑拿做野。
方  因為呢種,真係咁犀利?
阿兒但係閂門果種真係好難頂,搞到你冇晒信心,有時我都唔開門,會影響情緒咯,搞到冇晒信心。第一,你知我地要交租咯嘛,要開支咯嘛,即變咗彈鐘彈鐘,死喇都唔知有冇工開?遮日日蒙受呢種壓力。
方  有冇經驗話咪人彈鐘彈最犀利?有冇話特別後生咯男仔?
阿兒嘿,講真,係話咁相比之下,我自己都有一批客仔,我的客路好廣咯,二十量歲一紮,三十幾歲一紮,四十幾歲一紮,五十幾歲一紮,我的客路好廣,因為我係按摩嘛。咁你話彈鐘邊D多,如果由我答你咁計,一定係靚仔個多喇。
方  我的意思佢地靚仔好似你上次講果三個玩,周圍襟、、、
阿兒都唔係咯,果三個就另外遮,其他果D就係,其實好咪,點樣講呢?呃,其實係幾種形式咯。價錢貴咯會走一批,一批就鍾意睇咯,真係咯。唔駛錢嘛,咁有一批真係搞靚妹咯,就會咯,咁其實都好睇你果日咯運程,我覺得真係好睇運程,點解咁講,我試過有日,禮拜日,其實禮拜日好靜,禮拜日我都開工,我試過做咗幾個客,但八個客一開門就入來,好似盲咯,睇唔到你,你明唔明啊?遮唔理老嫩,一開門就入來。連續做咗八個,好係淨係一個熟客。
方  八個都係做全套?
阿兒唔係,遮咪餐都有,,個意思唔係彈鐘啊,即一開門就入來,咁耐試過遮,做咗兩年係八個客,完全,總之唔會阿芝阿咗,咪都唔會話剩喇,我試過一次八個客,我又試過一日彈過八次,彈到我想收工咁制。真係咯,我好得意,呃,點樣呢,我地呢度三間咯,咁如果我D客第一時間來,襟咗果兩間先,咁來襟我鐘,我都會開一開咯,但我預咗佢番入來,好喇,走咗,咁第二個客又來又襟咗果兩間,我就唔開喇。
方  遮,點解呢?
阿兒呃,我覺得邪邪地,佢唔會來幫襯,我寧願少咗你個客,我寧願機會都唔畀你襟,我就開門畀你,費事晒口水,費事我影響心情,我就唔開咯喇,咁,如果譬如如果佢行過來就襟我鐘,冇辦法喇,我咯熟客,我又睇唔到,佢襟我鐘,我就開門喇。我覺得通常開咯,佢地問你價錢,然後佢話睇下先,咁我如要連續開了三個客,第四個就唔開喇,我就摺一摺先,第四個唔開,第五個我又開番,可能第五個佢入來,呢D叫做天意,同埋我地生意人間唔中去臨場,因為我地樓上試過老細,我燒溪錢,啊,好煙啊,咁我費事,以後都冇燒喇。
方  係依家都冇燒。
阿兒初二、十六先燒,初二、十六仲猛啊,做生意,我拜神嘛,出面,我就會,果兩日晨早返來燒,咁你地通常入來,我咪話係咯,大家好來好去,正常我地做偏門,你要燒溪錢。所以彈鐘有陣時,都有好猛枕咁,心情都好影響咯,咁有陣時,講真啊自己諗番自己咪野年紀啊,個樣啊,襟鐘果個靚仔唔岩,你會覺得好地地咯,你自己會諗,哇,個老爺震滕滕,果頭近,個樣又畏畏縮縮,哇,我睇見你都唔想做你喇,仲係度揀女,心諗你慳D喇,咁樣啊,自己同自己講啊,但唔會同佢講,彈門囉,因為點解呢,佢嫌貴啊,你明唔明啊,咁所以其實好多因素,有陣時我地會隔離嘣門咯,但我會發覺好多客,基本上面皮都係厚幾尺厚,佢係唔知道你唔滿意佢喇,呃,去隔離襟鐘,已經濛濛地後遺症,其實你應該知道,人地唔LIKE你喇,你仲襟乜野隔離個鐘,你走喇。仲厚面皮襟隔離,隔離又係咁嘣,又再襟第三間,咁樣,D面皮真係幾尺厚,真係喎?其實佢知咯,但係呢,就係因為可能有D某D地方成等都係畀你咁玩咯,佢地就係慣咗果D,但我地呢三間唔係咁樣咯。
方  咁又係做壞手勢,咁樣喇!
阿兒係喇,所以變咗呢,嗯,同埋佢地話有D女仔真係好誇張咯,直接打開個門,畀你彈鐘彈到,佢地話試過,呃,開咗30次門,冇一客岩,30次,因為果幫,果度成等都係,周圍巡,樓上巡到樓下,睇岩先做,,咁你預著。
方  都好困擾喎。
阿兒係喇,但我地三間唔係,我地呢三間上樓都係橫骨禮,都係按摩咯,明唔明先,係咪先?都係要按,但係有一紮人揀佢都想做全套咯,咁所以變咗我地有陣時,其實我地都FEEL到有D客,我地知道佢好想做全套,而你唔岩睇呢,我地都唔會用惡劣的態度。但有D遮你FEEL到佢根本給250蚊,打個飛機都唔想走入房,我地會呆晒咯,其實我地做得耐,知道佢地咗揀右揀,都唔係幫襯,乜野都二百兩蚊,遮果種咯,有D真係又要時間長,又要靚,又要便咯,我地知咯,做得耐有一紮客,咁所以我地就會有點唔太友善、禮貌,同畀D說話佢聽下,試過有一個畀我惱,果個阿伯襟隔離鐘,跟住又襟我鐘,唔知話乜野咯,跟住呢我叫佢,你去砵蘭街揀喇,你去砵蘭街揀喇又話貴啊,跟住又嫌你啊,咁個客我就話佢,我點樣話佢呢,其實我做緊野,換牌係出面,熄晒燈,跟住就襟我鐘,我想話我做緊野,我都來話遮,佢即刻話,望一望有冇肥D,你估我點答佢,我話你去豬欄度搵。
方  哈哈哈。
阿兒佢仲搞笑喎,仲去隔離間問我姐妹有冇肥D,遮D人好得意,其實,我D客畀我惱係點呢?我最憎D客咪呢,打完問完價錢,我都唔惱,打開門,問晒BODY幾多錢,出火幾多錢,全套幾多錢,入咗來,企係度,又唔沖涼,又唔剩,好啊,望多你兩望,跟住拿拿返出去,跟住我就鏟佢喇,我就惱佢個喇,你有冇搞錯,你唔係幫襯就唔好入來喇,你出面乜野都睇晒喇,價錢都問晒,入來做乜野?係咪要抵惱佢先。
方  係。
阿兒搭得佢慢,係咪要惱佢呢D人先。
方  咁佢又唔會話返來惱你,走得急急就走人咯。
阿兒佢仲好意思,咁你係門口睇清晒個樣了嘛,係咪,給你睇晒,頭先咁興,問埋價錢,咁你仲想點樣啊?我話係咪好興先,仲要來開工,你興唔興啊?
方  係啊。
阿兒係咪要話佢先?我話係唔岩唔好入來,靚仔,做生意咯,跟住唔好意思。
方  影響心情,呢D囉。
阿兒我唔明果D係咪心態囉,佢仲嫌得唔夠清楚,仲想點啊?駛唔駛入來望風室,有D客話你都幾ROMANTIC,你地方幾乾淨喎。
方  係喇。
阿兒你唔明果D係咪心態喎,入來點解喇?係喇,我唔係立亂惱人咯,我惱午你咯,你肯定唔止做一次,你周不時做咯喇,你知我做緊衰人喇,反正你都唔會來咯。
方  你好厭惡咁樣。
阿兒係啊,係咪先,我係香港人,我睇番我自己果套,北方女仔係門口已經
方  閂咗門囉。
阿兒嚇,閂咗門喇,又會返轉頭咯,有時我好Q串咯,因為我點講你聽呢,因為我真係行撻骨咯,我心諗,我唔驚冇客返來欣賞我多野玩囉,因為有時我治療咯,D位置,睡係頸,個頭唔舒服,搵D我幫佢治療,幫佢襟穴位,所以呢我覺得你唔識欣賞我遮,我都唔需要挽留你個客。
方  係。
阿兒我就覺得你咁,因為你唔欣賞按摩嘛,你都唔會返來咯,我都唔需要留你個客。
方  係假都冇用。
阿兒我假冇用咯,我覺我成日咁諗咯,我自己諗咯,個客唔入來幫襯我,係佢咯損失,你明唔明啊,近常入得來咯,都知道,佢真係會撻骨咯,所以變咗我唔差果D人,靚仔一紮又一紮,中又一紮,因為全部都係,首先真係好鬼,因為你上下骨唔疊咯大把,後生大把,中年都大把,有一紮靚仔鍾意我地成熟咯,有女人味咯,咁有一批靚仔鍾意靚妹咯,咁所以我地三個客路都唔同,所以我地亦唔會爭客,係間唔中會有幾個客會唔做遮,幾個咁多遮,其他做開就做,有D就死都唔會過來。點講,三個人的STYLE都唔同,搵親我地D客,有一紮就鍾意你咯談吐啊,你咯按摩手法,同埋你咯身材,所以變得三個客路都唔同,我有一紮係我咯死客,佢有一紮係佢咯死客,所以變得我地都唔會有衝突囉。
方  FRIEND唔FRIEND?
阿兒都OK咯
方  我頭先都見到你“BYE BYE”。
阿兒唔係,果個靚妹係替工遮嘛,中間果個識咗好耐,呃,靚妹果個就唔係太熟咯,就冇乜野,中間果個以前係骨場識唧,即大家拍過檔幾年,做野係都知道大家係點做野,我地就唔係好鍾意打開門嘰嘰舊舊傾下八台野,我在因為三個人一起交電費,我負責幫佢地交嘛,有陣時,間唔中做D衰客,就會傾下電話,頭先個客好衰唧,入到來咪事,係間唔中會問呢D,平時好下講電話,因為我地都忙,都做野,唔想太過八婆,講埋冇聊咯野,咁交電費就講兩句,幾時交電費啊?所以我地三個人都,除非果陣是客入來遮,跟客傾偈之外,我地都唔會話嘰嘰咯咯,所以閂埋門都比較靜。
方  咁你依家係定期睇私家醫生?遮檢查,CHECK下。
阿兒其時冇話定唔定期咯,2、3個月就去賽馬會CHOCK CHECK,最緊要CHECK下個子宮有冇變,有咪問題果D囉,或者愛滋。
方  驗下血?
阿兒我地有做呢D野。
方  離你呢度最近係邊度?
阿兒唔係,我去番油麻地賽馬會。
方  係喎,你住旺角。
阿兒去油麻地賽馬會。
方  咁好啊,我都唔阻你太耐。
阿兒你仲有咪問?
方  其實都好詳盡喇,你真係好好傾,暫時都未有,我要返去整理一下,係,冇人收陀地,呢度。
阿兒冇。
方  從來都冇,員警都未試過放蛇?
阿兒未,係。
方  咁好啊。
阿兒第二D我唔知,其實大致我同你講果D,係好多桑拿的地方,我唔知,我冇講,我曾經講咗好多畀你聽。
方  係啊,我知咯喇。
阿兒大致上,你問果D,有冇人上來收陀地,有冇差佬上來,基本上都咁上下咯。
方  最後一個問題,你依家係呢度做,你自己最希望係乜野?遮幫到你生意,D客好D,定係你覺得最重要?
阿兒最緊要客唔好奄尖囉,因為搞到我地咯情緒都好唔知點,但我就唔會咯,因為我不嬲都公私分明,只不過點樣講呢,遮轉頭我就冇野喇,總之我就唔會帶畀D客,頭先個客點,我就唔會做個客冇心機,因為都係自己生意,係咪,講真,畀我惱果D,我都唔希望佢來喇,我都估佢唔來。
方  今日生意好唔好?
阿兒普通,真係普通,其實跑馬就普通。
方  跑馬,今日跑。
阿兒咁,我地都做番回贈客咯,因為依家,咁岩過完年,有D熟客都未得閒來,好飄忽咯,一時間咯,但係做呢行,又唔可以完全靠熟客,你又唔可以完全靠熟客,你要參半參半,總之生又有,熟又有,熟客都係生客變番來咯,係咪?總言之,你做到每日一半係回頭客,一半係生客就OK,你唔可以完全靠生客,或者全部靠熟客,熟客都唔會成日來咯喇,生客又唔搭,其實係要參半囉,一個月計數係要參半囉,咁就會企得穩腳D。
方  咁你呢度三間都係傳統做咯,冇純搏野?
阿兒冇,三個都係行撻骨,都有傳統做咯,就咁樣囉冇話純搏野,總之,一定撻骨咯,但間唔中有一個顧客會搏野走咯,淨係打飛機走都有,但我地行唧方式就係要撻骨先。
方  即呢個SERVICE係地PROVIDE埋。
阿兒就係呢個SERVICE,我地三個都係撻骨咯,同埋我地呢度叫幾就腳咯,同埋食野啊,搭車方便,真係OK喇,其實你都要提一提我依家叫人整番呢個。
方  要喇,呢個,當朋友,我就覺得好蒙啊。
阿兒唔係啊,遮,我有陣時唔想開門畀D客,同埋我可以望到個客。
方  咯衰樣。
阿兒有陣時,大吉利是講句,突然間有個熟客來襟鐘,我分分鐘鐘唔開咯,但係我好得意咯,我D熟客我知道咯,襟兩三次鐘。
方  同埋畀個電話你先。
阿兒有,有一紮熟客好K型積咯,佢地唔仲意打電話咯,因為成日來黃金買野,行過買野就來望下你搭唔搭閑,搭閑佢就去來做,唔得閒就走喇,有幾個都係咁咯。
方  譬如你搞緊,你一路開唔到,又應酬唔到佢,會唔會轉頭開開門、、、
阿兒我寫時間咯。
方  哦。
阿兒總之有時間係度,佢就唔會襟你鐘咯,但我的意思,大吉利是講句,連續有兩三個襟咗鐘唔岩走咗去,或者佢係第四個嘛,心情唔靚,我就唔係好係個喇,因為我芒睇唔到嘛,咁我冇去整個電眼嘛,我唔去開畀佢,佢襟咗我三次啊,咁我心諗冇理由襟三次,就睇你係邊個,一睇係熟客,咁個熟客就話喇
方  幾百蚊
阿兒我就會行過來,望到佢,知道係熟客咪開門囉,先陣時,譬如,我個閉路一定係度喇,我望到閉路。
方  你未開。
阿兒開咗,呢部電視機其實壞壞地,我未拎屋企個電腦返來再睇,遮,我其實用得到,我都用住先,跟住個電眼,我先至埋去裝一裝。遮都好咯,哇,整個電眼要幾百蚊咯。
方  嗯,我估。
阿兒唔駛嘛?
方  都要咯,你駁電,係呢度襟。喎,都唔駛電眼遮。係囉,防盜眼遮嘛一個電掣,百兩蚊遮,一個窿一個玻璃,係喎,應該你可以傾下。
阿兒我問下裝修佬就知。
方  我都唔阻你,我都傾得耐得濟,我覺得成況成況,你真係大情大聖。
阿兒唔好意思,唔好意思。
方  係,好,真係唔該晒。
阿兒你都返屋企了嘛?,我都返屋企喇,聽日再傾喇。
方  冇喇,我住係附近遮嘛,我住黃金,我有乜野再打畀你啊,好鬼啊,好鬼啊,祝你生意好啊。
阿兒大家咁話
方  THANK YOU 你,BYE BYE。

附件列表


2

詞條內容僅供參考,如果您需要解決具體問題
(尤其在法律、醫學等領域),建議您咨詢相關領域專業人士。

如果您認為本詞條還有待完善,請 編輯

上一篇 探訪一樓一鳳談話錄    下一篇 漂零日治時

同義詞

暫無同義詞